Тұмау кезінде күн сайын айран ішу несімен пайдалы? Бұл туралы ресейлік дәрігер Андрей Тяжельников айтып берді, - деп хабарлайды aqshamnews.kz тілшісі "Доктор Питерге" сілтеме жасап.
Дәрігердің айтуынша, иммунитетті қалыпта ұстау үшін күнделікті немесе аптасына 4–5 рет қышқыл сүт өнімдерін тұтынған пайдалы.
"Қантсыз, пробиотиктері бар өнімдерді ішкен пайдалырақ. Мысалы, ұйықтардан бұрын бір стақан айранішу немесе таңғы асқа қантсыз йогурт жеу жеткілікті. Мұндай өнімдерді бірнеше апта бойы тұрақты түрде қолдану ағзаның қорғаныс күшін нығайтуға көмектеседі", - дейді ол.
Алайда кейбір дәрігерлер түнде айран ішуге қатысты басқа пікір айтады. Кейбір мамандар түнде тамақтанбаған дұрыс деп есептейді.
Эндокринолог Зухра Павлова түнде судан басқа тағамдарды жеуге болмайтынын ескертеді. Айранның инсулин индексі жоғары болғандықтан, түнде оны ішу ұйқы барысында қандағы қанттың күрт төмендеуіне әкеліп, садарынан таңертең күрт жоғарылауы мүмкін. Бұл уақыт өте келе ашқарындағы глюкоза деңгейінің бұзылуына және преддиабеттік жағдайларға әкеп соғуы ықтимал.
Гинеколог Екатерина Волкова да түнде кефир ішуді ұсынбайды, әсіресе салмақ жоғалту мақсатында жүргендерге. Түнде лактозаға бай өнімдер ішектегі ферментацияны күшейтіп, инсулиннің бөлінуін арттыруы мүмкін. Бұл майдың, әсіресе іш майының жиналуына ықпал етеді.