АҚШ президенті Дональд Трамп Қазақстан Президенті Қасым-Жомарт Тоқаевты жақсы адам екенін айтып, оған сәлем жолдады, - деп хабарлайды Аqshamnews.kz.
Америкалық лидер жексенбіде АҚШ Ашық чемпионатының ерлер арасындағы финалына кетер алдында, Ақ Үйден шыға бергенде айтты.
Журналист Трамптан Қазақстан туралы ойын және елге бару жоспарда бар-жоғын сұрады.
Трамп мүмкін екенін айтып, Тоқаевпен жақсы әңгімелескенін де жеткізді.
"Сәлем айтыңыз! Президентіңіз - өте жақсы адам", - деді америкалық лидер.
Айта кетейік, 8 қыркүйекте Мемлекет басшысы Қасым-Жомарт Тоқаев Қазақстан халқына Жолдау жасайды.