Бейбітшілік жөніндегі Нобель сыйлығы Венесуэла оппозициясының лидері Мария Корина Мачадоға берілді
2025 жылғы Бейбітшілік жөніндегі Нобель сыйлығы Венесуэлада оппозиция лидері болып танылған Мария Корина Мачадоға табысталды, - деп хабарлайды Aqshamnews.kz.
Нобель комитетінің мәлімдеуінше, марапат «Венесуэла халқының демократиялық құқықтарын ілгерілету жолындағы тынымсыз еңбегі мен елді диктатурадан демократияға бейбіт әрі әділетті түрде көшіруге бағытталған күресі үшін» берілген.
Айта кетейік, АҚШ-тың бұрынғы президенті Дональд Трамп бұған дейін бірнеше рет өзін Бейбітшілік сыйлығына лайық деп мәлімдеген. Оның айтуынша, Ақ үйге екінші мәрте келгеннен кейін бірқатар соғысты тоқтатқан. Бұл туралы BBC хабарлаған.
Алайда Нобель комитетінің өкілі Трамптың неге марапатталмағаны туралы сұраққа жауап бере келе, ұйым «шешімдерін тек Альфред Нобельдің өсиетіне сәйкес қабылдайды, ал жария кампаниялар негізінде емес» екенін атап өтті.
Соңғы уақытта Трамптың елеулі жетістіктерінің бірі ретінде Израиль мен палестиналық ХАМАС қозғалысы арасындағы атысты тоқтату және израильдік тұтқындарды қайтару жөніндегі келісім аталып отыр. Бұл құжатқа сәрсенбі күні қол қойылған еді.
