Қазақстан Президенті Қасым-Жомарт Тоқаев жақын күндері Пәкістанға барады, деп хабарлайды AqshamNews.kz тілшісі Ақорданың баспасөз қызметіне сілтеме жасап.
"3-4 ақпанда Президент Қасым-Жомарт Тоқаев Ислам Республикасы Пәкістанға мемлекеттік сапармен барады. Сапар аясында Премьер-министр Шахбаз Шарифпен және Президент Асиф Әли Зардариімен келіссөздер өтеді. Кездесулер барысында саяси, сауда-экономикалық және мәдени-гуманитарлық ынтымақтастықты нығайту перспективалары талқыланады", – делінген дүйсенбі күнгі хабарламада.
Сондай-ақ Тоқаевтың қазақ-пәкістан бизнес-форумының жұмысына қатысатыны күтіледі.