Алматы облысының Төтенше жағдайлар департаменті туристер мен демалушыларды қарлы беткейлерге шықпауға шақырды, деп хабарлайды aqshamnews.kz
Облыс аумағында 55 қар көшкіні жүру аймағы бар. Қар көшкінінің қауіптілігі 2-5 желтоқсан аралығында сақталады. Сондықтан тұрғындар мен туристерден қауіпсіздік шараларын сақтауды сұрайды.
«Алматы облысында 55 қар көшкіні жүру учаскесі бар, олар Еңбекшіқазақ, Талғар және Қарасай аудандарында орналасқан, Іле-Алатау тауының оңтүстік беткейінде», — деп хабарлады департамент өкілдері.
Туристер мен демалушыларға өз қауіпсіздіктерін сақтау және жергілікті билік тарапынан қойылған шектеулерге бағыну ұсынылады.