Жітіқарада әйел өрт қауіпсіздігі талаптарын бұзғаны үшін 5 жылға бас бостандығынан айырылды, деп хабарлайды aqshamnews.kz
Іс материалдарына сәйкес, қайғылы оқиға болған күні әйел балаларын қараусыз қалдырып, үлкен ұлына пеш жағуды тапсырған. Бала ағаш, көмір және тұрмыстық қоқыстарды жаққан, бірақ сонымен қатар пештің жанында тұрған белгісіз сұйықтық құйылған пластик бөтелкені отқа тастап жіберген. Нәтижесінде үйге өрт шығып, бес бала көз жұмған.
Әйел кінәсін толық мойындап, істеген ісіне өкінетінін айтып, өзіне жазаның жеңілдетілуін өтінген. Алайда, қазіргі таңда оның кәмелетке толмаған баласы болуына байланысты жазаның орындалуы кейінге қалдырылған.
Үкім әлі де заңды күшіне енген жоқ.