Олар сот санкциясымен қамауға алынды.
Биыл шілде-тамыз аралығында ҰҚК Астана қаласында, Алматы және Батыс Қазақстан облыстарында арнайы операция жүргізіп, 5 қазақстандықты ұстады, деп хабарлайды aqshamnews.kz.
«Ұсталғандар теракт ұйымдастыру үшін терроризмді насихаттауға, діни алауыздықты қоздыруға және адамдарды тартуға қатысқан. Тұрғылықты жерлерін тінту кезінде олардан қару-жарақ, оқ-дәрілер, діни әдебиеттер және өзге де заттай дәлелдемелер тәркіленді», – деп жазылған хабарламада.
Сондай-ақ ұсталғандардың екеуі бұған дейін кісі өлтіру, тонау және бұзақылық жасағаны үшін істі болған. Тағы бір күдікті шетелде дайындықтан өтіп, лаңкестермен бірге қарулы қақтығыстарға қатысқан.