Турнирді сәтті өткізіп жатыр.
Қазақстандық теннисші Жібек Құламбаева Алматы ITF W25 турнирін сәтті өткізіп жатыр, деп хабарлайды Almaty-akshamy.kz ҚазАқпаратқа сілтеме жасап.
Қазақстан теннис федерациясынан мәлім еткендей, Жібек Құламбаева жекелей сында ширек финалда ресейлік Анастасия Золотареваны тас-талқан етті – 6:0, 6:4.
Жібек финалға шығу үшін Беларусь өкілі Дарья Хомутянскаямен таласады.
Жібек Құламбаева сондай-ақ жұптық сында ресейлік Екатерина Яшинамен бірге финалға шықты.
Қазақстандық-ресейлік жұп жартылай финалда үндістандықтар Чаудхари Вайдехи – Шривали Бхамадипатиді тізе бүктірді – 6:4, 3:6, 10:7.
Соңғы бәсекеде Ж.Құламбаева мен Е.Яшина ресейліктер Амина Аншба – Софья Лансере немесе Екатерина Маклакова – Александра Поспелова жұптарының қай жеңгенімен бас жүлдені сарапқа салады.
Еске сала кетейік, бұдан бұрын АҚШ ашық чемпионатында Анна Данилинаның екінші айналымға шыққанын жазған болатынбыз.
Сондай-ақ қазақстандық екі теннисші Испаниядағы жарыстың ширек финалына өтті.
Теннисші Бейбіт Жукаев Таиландтағы жарыстың жартылай финалына шықты.