ҚР Мемлекеттік орталық музейі күні кеше бастау алған «Алматы – біздің ортақ үйіміз» науқанына қолдау білдірді.
Орталық музей Алматы қаласы мен жалпы еліміздегі жетекші ғылыми-білім беру орталығы ретінде азаматтардың тарихымыз бен мәдениетімізді терең танып, туған қаламыз бен табиғатты қорғау дәстүрін қалыптастыруға үндейді. Бастамаға қолдау көрсетуді музей ұжымы ғимарат орналасқан аумақты тазалаудан бастады.
«Музей – менің екінші үйім. Менің үйімнің тазалығы – туған қалам мен жанымның тазалығы» дейді музей қызметкерлері.
Орталық музей қала тұрғындарын жүрген жерінде тазалық сақтап, табиғатты, тарихымыз бен мәдениетімізді, ескерткіштерді, туған қаламызды құрметтеуге шақырады!