Алматы облысының ТЖД тауға бармауға кеңес береді
23-26 желтоқсан аралығында Алматы облысының тауларында ауа райының күрт жылынуы мен қатты жауын-шашын салдарынан қар көшкінінің жоғары қаупі күтілуде, деп хабарлайды aqshamnews.kz
Тұрғындарға және туристерге осы күндері қарлы беткейлерде серуендеуден және шаңғы тебуден бас тарту ұсынылады.
«ТЖД азаматтарды, туристер мен демалушыларды қар көшкінінің түсу қаупін тудырмау үшін қарлы беткейлерге шықпауға, сондай-ақ барлық сақтық шараларын сақтауға шақырады».
Әсіресе Еңбекшіқазақ, Талғар және Қарасай аудандарындағы таулы жерлерге бару аса қауіпті.
Дәл осы аудандарда, Іле Алатауы жотасының оңтүстік беткейлерінде, 55 қар көшкіні қаупі бар учаске орналасқан.