Алматыда дүкенде сатылатын сүзбе өнімнің массасын көрсетпей пакеттерге салынатыны анықталды
Қазақстан Республикасы Сауда және интеграция министрлігінің Техникалық реттеу және метрология комитетінің Алматы қаласы бойынша департаменті жеке тұлғаның өтініші негізінде "JARDI KZ" (ЖАРДИ КЗ) ЖШС қатысты жоспардан тыс мемлекеттік бақылау жүргізді, деп хабарлайды Almaty-akshamy.kz ведомствоның баспасөз қызметіне сілтеме жасап.
Шағымда 03.10.2022 ж. кешке өтініш беруші осы компанияға тиесілі дүкеннен сүзбе мен айран сатып алғаны көрсетілген. Сүзбенің массасы орамдағы көрсетілген массаға 0,5 кг сәйкес келмеді. Тексеру барысында осы дүкенде сатылатын сүзбе өнімнің массасын көрсетпей пакеттерге салынатыны анықталды.
Алайда, сүзбе сату кезінде фискалдық чекте 0,5 кг салмақ көрсетіледі. Сондай-ақ, дүкеннің сауда үй-жайында Штрих-баспа М15-2, 5Д1И1 электронды таразы қолданылды, ол жоспардан тыс тексеру кезінде салыстырып тексеру туралы сертификаты жоқ екені анықталды, ал кейінірек ұсынылған салыстырып тексеру туралы сертификат жарамсыз деп танылған. Осыған байланысты материалдар түпнұсқалығы туралы күмәнмен тиісті органдарға жіберілді.
«Дүкенде орнатылған таразы салыстырылып тексерусіз қолданылды және салыстырылып тексеруден уақтылы өтпеген ретінде қолдануға жарамсыз деп танылғаны анықталды. Осы Заң талаптарын бұзғаны үшін "JARDI KZ" (ЖАРДИ ҚЗ) ЖШС "Әкімшілік құқық бұзушылық туралы" Қазақстан Республикасы Кодексінің 419-бабы бойынша 4 900 800 теңге сомасына әкімшілік жауапкершілікке тартылды, кемшіліктерді жоюға нұсқама беріліп, қайта тексеру тағайындалды», - делінген ақпаратта.
Сонымен қатар, Департамент "JARDI KZ"(ЖАРДИ КЗ) ЖШС өкіліне "Техникалық реттеу туралы" ҚРЗ талаптарын бұза отырып, сәйкестікті бағалау және өнімді айналымға шығаруға тыйым салу туралы «сұр» құжаттарды алуға жол бермеу туралы, сондай-ақ "Өлшем бірлігін қамтамасыз ету туралы" Қазақстан Республикасының Заңына сәйкес салыстырылып тексеруден өтпеген өлшем құралдарын қолданғаны үшін заңды және жеке тұлғаның жауапкершілігі туралы түсіндіру жұмыстарын жүргізді.