Елімізде су тасқыны кезінде қырылған мал шығындары толықтай өтелді. Бұл туралы Ауыл шаруашылығы вице-министрі Аманғали Бердалин мәлім етті.
АШМ 100% өтелгенін мәлімдеді
Жалпы, 12 450 мал қырылған
Оның айтуынша, тасқын басталған сәттен бері жедел шаралар қабылданған. Биыл 7 сәуірде республикалық штабта суға кеткен мал шығындарын өтеудің алгоритмі бекітілген.
Айта кетсек, сол алгоритм мен қағидаттарда шығынды бюджеттен және бюджеттен тыс қаражат есебінен өтеу көзделгені мәлім.
Су тасқыны кезінде 140 мыңға жуық мал қауіпсіз жерге көшірілді. Бүгінде жергілікті атқарушы органдардың жедел деректері бойынша, республикада 12 450 мал қырылған. Барлық өлексе жойылып, залал 100 пайыз өтелді, - деді Аманғали Бердалин.