3-11 ақпан аралығында Ташкентте халықаралық Al-Beruniy шахмат турнирі өтуде. Турнир үш топта – Masters, Challengers, Futures – өткізілмек, деп хабарлайды aqshamnews.kz
Жарыс стандартты шахмат ережелері бойынша өтеді, ал әр топта қызықты әрі тартысты бәсекелер күтілуде.
Masters тобында Армения, Венгрия, Қытай, Өзбекстаннан, сондай-ақ ФИДЕ туы астында екі ойыншы бақ сынайды. Бұл топта барлығы 10 шахматшы жарысқа қатысуда.
Challenger тобында да 10 ойыншы өнер көрсетеді, олар Үндістан, Иран, Қазақстан, Өзбекстан және ФИДЕ туы астындағы ойыншылардан тұрады. Қазақстаннан бұл топта Ринат Жұмабаев қатысады.
Futures тобында Беларусь, Үндістан, Түркменстан, Украина, Өзбекстан, Швециядан және ФИДЕ атынан 10 жас шахматшы бақ сынайды.
Бұл турнир әлемнің әр түкпірінен келген талантты шахматшылардың өз күштерін сынап, ең үздік нәтижеге жету үшін барын салатын алаң болмақ.