Алаяқтықтың жаңа түрі шықты.
Құқық қорғау органдары алаяқтар аккаунттарды бұзып, жасанды түрде иелерінің дауыстарын сала алатынын мәлімдеді, деп хабарлайды Almaty-akshamy.kz
Ішкі істер министрлігі қазақстандықтарды жасанды дауыстар қолданылатын алаяқтық туралы ескертті.
"Алаяқтар мессенджерлер мен әлеуметтік желілердегі аккаунттарды бұзып, хат алмасуларда сақталған дауыс үлгілерін пайдаланып, аккаунт иесінің дауысын жасайды. Барлық чаттарға ақша жіберуді сұрап, қысқа дауыстық хабарлама таратады. Бұл схеманың қауіптілігі - алаяқтар құрбанның бірнеше сәйкестендіру факторларын пайдаланады — аккаунт, дауыс және банк картасы. Бұл жіберушіге деген сенімді арттырады", - деп хабарлады ІІМ.