Алматыдағы №291 сайлау учаскесінде танымал Досбатыровтар цирк әулетінің өкілдері дауыс беріп, таңдау жасады, – деп хабарлайды aqshamnews.kz тілшісі.
Олар сайлауға отбасымен бірге келіп, ауызбіршілік танытып, маңызды қоғамдық-саяси оқиғаға жауапкершілікпен қарайтынын көрсетті.
«Құрмет» орденінің иегері, PhD докторы, Досбатыровтар цирк әулетінің үшінші буын өкілі Дәулет Құрманғалиұлы Досбатыров бүгінгі күн ел үшін айрықша маңызы екенін жеткізді.
«Бүгін, 23 тамызда, Қазақстан тарихында алғаш рет жаңа бір палаталы Парламент — Құрылтай депутаттарының сайлауы өтіп жатыр. Біз цирк өнерін үш буын бойы жалғастырып келе жатқан әулетпіз. Азаматтық борышымызды орындап, осы маңызды тарихи оқиғаға атсалысу үшін сайлау учаскесіне келдік. Біз үшін сайлауға қатысу — конституциялық құқық қана емес, үлкен жауапкершілік. Дауысымыз арқылы еліміздің болашағына, дамуы мен өркендеуіне үлес қосқымыз келеді, — деді Дәулет Досбатыров.
Бірнеше буын бойы отандық цирк өнерінің дамуына үлес қосып келе жатқан Досбатыровтар отбасы үшін Отанға деген сүйіспеншілік пен ел болашағына жауапкершілік — ұрпақтан ұрпаққа жалғасқан маңызды құндылықтар. Танымал цирк әулеті өкілдерінің сайлауға қатысуы азаматтық белсенділіктің және ел өміріндегі маңызды оқиғаларға атсалысудың тағы бір үлгісіне айналды.