Бұл заңға өзгеріс енгізгелі жатыр, деп хабарлайды aqshamnews.kz
Аталған бастама турасында депутаттарға берген жауабында үкімет басшысының орынбасары Роман Скляр айтты.
Склярдың жауабына сәйкес, цифрлық нарықтарда адал бәсекелестікті Қазақстанның Бәсекелестікті қорғау және дамыту агенттігі бақылайды.
Бүгінде Yandex Go, Uber, Glovo, InDrive және басқа да сервистік платформалар цифрлық жұмыспен қамту мүмкіндігін ұсынып, бәсекелестік пен кәсіпкерліктің дамуына ықпал етуде. 3 «Яндекс.Такси Корп» ЖШС (бұдан әрі – Компания) такси бойынша ақпараттық-диспетчерлік қызметтер нарығында тұрақты орынға ие. Компания комиссияны тариф түріне (эконом, комфорт, бизнес, қалааралық және т.б.) және елді мекендегі қызметке сұраныс деңгейіне байланысты ұстайды. Комиссияны төмендету және ашықтықты арттыру мақсатында агенттік пен компания арасында монополияға қарсы комплаенс келісімі жасалды. Комплаенс шартына сәйкес, егер тапсырыс құны базалық тарифтен 2 есе асып кетсе, компания осы артық сомадан комиссия ұстамайды, яғни ол жүргізушінің табысы болып қалады, – делінген жауапта.
Скляр сонымен қатар, жүргізушілердің таксопарктерсіз тікелей жұмыс істеу мүмкіндігін заңнамалық түрде қамтамасыз ету жөнінде түзетулер енгізу бастамасы көтерілгенін, бұл олардың комиссиялық шығындарын азайтуға мүмкіндік беретінін айтады.
"Қазір такси жолаушыларын тасымалдау нарығындағы бәсекелестік жай-күйі, сондай-ақ тапсырыстарды рәсімдеуде пайдаланылатын аппараттық-бағдарламалық кешендер мен мобильдік қосымшалар бойынша жоспарлы талдау жүргізілуде. Сонымен қатар, халықаралық тәжірибеге сәйкес, такси қызметі, азаматтық авиация және теміржол жолаушылар тасымалы салаларындағы баға белгілеу мәселелері тікелей мемлекеттік реттеуге жатпайды және нарық қатысушылары арасында бәсекелестік негізінде қалыптасады", – дейді Скляр.