Тұрғындар Алматыдағы сенбілікке бүкіл отбасымен қатысып жатыр. Индира есімді тұрғын Желтоқсан саябағына үш баласымен келген.
– Бүгін сенбілікке балаларымды алып келдім. Кішкентай кездерінен табиғатты аялап, игі істерге атсалыссын, үйренсін деген ниетіміз бар. Осында 3 баламды ертіп әкелдім, бәріміздің көңіл-күйіміз керемет. Кеше сенбілік туралы естіген сәттен бастап, өздері де барамыз деді. Бүгін таңертең ерте тұрып дайындалып жүр. Жалпы, мұндай игі акцияға қатысқандарын жөн деп санаймын. Енді отбасымызбен мұнда демалуға келгенде, біздің еккен ағаштарымыз деп естеріне алып жүреді. Табиғатқа қамқорлықпен қарайтын болады, – деді Индира Есімбаева есімді тұрғын.