500 мың теңге сомасындағы қаражатын иемденген
Қызылордада 13 желтоқсанда 1988 жылы туған азамат ұсталды. Ол өзін "Антикордың Қызылорда облысы бойынша Өзіндік қауіпсіздік қызметкерімін" деп таныстырған, деп хабарлайды Almaty-akshamy.kz.
Ол Сыбайлас жемқорлыққа қарсы қызметке жұмысқа орналастыру сылтауымен қала тұрғынын алдау және оның сенімін теріс пайдалану арқылы 500 мың теңге сомасындағы қаражатын иемденген.
Сыбайлас жемқорлыққа қарсы қызмет алаяқтар өздерін мемлекеттік органдардың қызметкерлері ретінде көрсете отырып, қылмыстық-жазаланатын іс-әрекеттер жасайтыны көбейгенін атап өтті.
«Осыған ұқсас фактілер бойынша ақпарат болған жағдайда Антикоррупция қызметіне 1424 телефоны арқылы хабарласуды сұраймыз»,- делінген хабарламада.