Алматыда суретке түспек болған оқушы өзенге құлап кетті, деп хабарлайды aqshamnews.kz
Алматыдағы Аюсай шатқалында таудағы фотосессия соңы қайғылы оқиғаға ұласа жаздады. 8 оқушы мен сынып жетекшісінен тұратын топ өзен жағасында суретке түсіп жатқанда, бір оқушы қыздың аяғы тайып, Проходная өзеніне құлап кетті. Оқиға 22 мамыр сағат 15:35 шамасында болған.
"Алматы қалалық Құтқару қызметінің құтқарушылары оны жедел іздестіре бастады. Сағат 15:56-да бөгетке шамамен 500 метр қашықтықта қыз судан шығарылды. Құтқарушылар оқиға орнында алғашқы медициналық көмек көрсетіп, зардап шегушіні жедел жәрдем бригадасына тапсырды", – делінген құтқару қызметінің хабарламасында.