Судан 30 сәуірге дейін әуе кеңістігін жапты
Қазақстан Республикасы Сыртқы істер министрлігінің ресми өкілі Айбек Смадияров Суданнан үш қазақстандық әйел эвакуацияланғанын айтты, деп хабарлайды Almaty-akshamy.kz.
Олар Суданнан елдегі қарулы қақтығысқа байланысты кетуге мәжбүр болды.
"Олардың бірі БҰҰ жүйесінде жұмыс істеген, ол қазір Эфиопияда, Аддис-Абебада. Ал тағы бір азамат жапондық компанияда жұмыс істеген, оны да жапон дипломаттары эвакуациялады", - деді Айбек Смадияров.
15 сәуірден бері Суданда тұрақты армия мен әскери құрама арасында қақтығыстар болып жатыр, салдарынан бейбіт тұрғындар қаза тауып жатыр, бұның соңы азаматтық соғысқа әкелуі мүмкін. Судан 30 сәуірге дейін әуе кеңістігін жапты.