Шешуші бәсекелер 7 мамыр күні өтеді.
Германия астанасы Берлинде ватерполдан әлем кубогы жалауын көтерді. Жарысқа қатысып жатқан 8 команданың арасында Қазақстан әйелдер құрамасы да бар, деп хабарлайды Almaty-akshamy.kz Elorda.info -ға сілтеме жасап.
Қазақстандықтар Германия, Ұлыбритания, Жаңа Зеландиямен бір топта өнер көрсетуде.
Отандастарымыз екі ойын өткізіп, екеуінде де жеңіске жетті. Алдымен 11:7 есебімен жарыс қожайындарын, сосын 15:7 есебімен британдықтарды ұтты. Енді Жаңа Зеландиямен кездеседі. Ал шешуші бәсекелер 7 мамыр күні өтеді.
Әлем кубогында үздік атанған 2 құрама, маусым айында АҚШ-тың Калифорния штатында өтетін «суперфиналға» жолдама алады. Ол жерде топ жарған команда Париж Олимпиадасына лицензия иеленеді.