«Қаржы орталығы» АҚ мәліметінше, 2024–2025 оқу жылының бірінші семестрінің бірінші курс студенттеріне стипендия қыркүйек айының 30-ына дейінгі жоғары және жоғары оқу орнынан кейінгі білім беру ұйымдарының есептерін тексергеннен кейін қазан айы бойында аударылады.
Сонымен қатар, медициналық жоғары оқу орындарының бірінші курс студенттері қыркүйек айына төлемді екі айды қосып қазан айының соңына дейін алады.
«Қалған барлық студенттерге стипендия қыркүйек айының соңына дейін түседі», — деп хабарлады ведомство.