Футболдан Қазақстан ұлттық құрамасының бас бапкері Станислав Черчесов қызметінен кететіні белгілі болды.
«Бұл шешім жаңа басшылықтың бастамасымен қабылданды. Құрамаға жаңа бапкер ретінде екі жергілікті және екі еуропалық маманның кандидатурасы қарастырылуда. Қазіргі уақытта заңгерлер келісімшартты заңды түрде тоқтату жолдарын зерделеп жатыр», – деп хабарлайды E.Maulen телеграм-арнасы.
Станислав Черчесов Қазақстан құрамасын 2024 жылдың шілде айында басқарған болатын. Оның келісімшарты 2026 жылғы Әлем чемпионатының іріктеу кезеңінің соңына дейін жасалған.
Черчесовтың жетекшілігімен Қазақстан құрамасы сегіз ресми ойынның жетіде жеңіліп, біреуінде тең түсті. Команда Австрия, Норвегия және Словения құрамаларымен бір топта өнер көрсеткен Ұлттар лигасында соңғы орын алды.