Алматы қаласы ҚАЖ департаментіне қарасты №11 мекемесінде жазасын өтеп жатқан жасөспірімдер де ел қатарлы білім алып, ҰБТ тапсырады.
Жалпы білім беретін мектептерді бітіруші сотталғандар арасында Ұлттық бірыңғай тестілеуді тапсырудың тәртібі мен жолдарын түсіндіру мақсатында, Алматы қаласы бойынша Адам құқықтары жөніндегі уәкілдің өкілі Қ.Малдыбаев балалар колониясында болды.
Жазалы жасөспірімдер арасында сауалнама жүргізді. Осылай жыл сайын онлайн форматта жоғары білім алу құқығы туралы ақпараттандыру жұмыстары жүргізіліп тұрады. 2022-2023 оқу жылы жалпы білім беретін №3 мектептті бітірген №11 мекеменің 11-сынып оқушысы тұңғыш рет ҰБТ тапсырды.
Бүгінгі күні №11 мекемеде бас бостандығынан айырылыған 67 бала тәрбиеленіп жатса, соның ішінде мектепте 59 бала орта білім алуда. 37-сі – қазақ бөлімінде, 22-сі – орыс бөлімінде. Егер олар ҰБТ тапсырып, шекті балл жинаса, жоғары білім алуға жол ашық екені түсіндірілді.