Солтанай Жәнібек, жас дәрігер, Санжар Асфендияров атындағы Қазақ ұлттық медицина университеті ректорының кеңесшісі, Алғашқы медициналық-санитариялық көмек орталығы бас дәрігерінің орынбасары және Жастар көшбасшысы, алматылықтарды 15 наурызда өтетін референдумға қатысуға шақырды, – деп хабарлайды aqshamnews.kz тілшісі.
Сөзінде ол медицина саласындағы сенімнің ерекше маңызын атап өтті. «Адам өз денсаулығын, кейде өмірін саған сеніп тапсырады. Сол сенім білімге, кәсібилікке және жүйенің тұрақтылығына сүйенуі керек», – деді спикер.
Солтанай Жәнібек қазіргі әлемде елдің даму деңгейі денсаулық сақтау сапасына тікелей байланысты екенін, ал оның сапасы ғылыми зерттеулер мен инновацияларды енгізуге тәуелді екенін атап өтті. Ол жаңа Конституцияда білім мен ғылымға, инновацияға басымдық берілу стратегиялық маңызды шешім екенін айтты. Бұл тек университеттерге ғана емес, болашақ дәрігерлерді даярлау сапасы мен жаңа медициналық технологиялардың елге келуіне қатысты екенін жеткізді.
«Мағжан Жұмабаев айтқандай: “Маған жастарға сенім бар” – біз сол сенімге лайық болуымыз керек. 15 наурыздағы референдумға қатысу – мен үшін азаматтық ұстаным. Жаңа Конституция – болашақтың негізі», – деді Солтанай Жәнібек.
Спикер барша азаматтарды референдумға қатысып, өз таңдауын жасауға шақырды.