«Қазгидромет» РМК 28-30 қыркүйек аралығындағы ауа райы болжамын жасады, деп хабарлайды Almaty-akshamy.kz.
Алдағы күндері республиканың басым бөлігінде күн райы құбылмалы болмақ. Жаңбыр, найзағай, екпінді жел тұрады деп күтіледі.
Тек Қазақстанның батысында солтүстік-батыс антициклонының әсерінен жауын-шашынсыз күн райы әлі де сақталады.
Түнде және таңертең елдің солтүстік жартысында, республиканың оңтүстік және оңтүстік-шығысындағы таулы аудандарда тұман түседі.
Еліміздің шығысында 28-29 қыркүйекте түнгі уақытта 1-3 градусқа дейін үсік сақталады.
Температуралық фонда елеулі өзгерістер күтілмейді, тек республиканың оңтүстігінде, оңтүстік-шығысында ауа температурасы күндіз 17-23 градус, таулы аудандарда 8-13 градус шамасында болмақ.