Шымкентте көшеде болған жаппай төбелеске байланысты 3 адам уақытша ұстау изоляторына қамалды, деп хабарлайды Aqshamnews.kz тілшісі.
Otyrar арнасының мәліметінше, бір топ жастар көше бойында жол үстіндегі келіспеушіліктен жаппай төбелес ұйымдастырған. Желіде тараған видеодан кейбір азаматтардың көлікті тоқтатып, араша түсуге тырысқаны көрінеді.
Шымкент қалалық полиция департаментінің хабарлауынша, дерек бойынша Қылмыстық кодекстің «Бұзақылық» бабы бойынша іс қозғалды. Қазіргі уақытта 3 күдікті уақытша ұстау изоляторында, тергеу әрекеттері жүргізілуде. Қатысушылардың әрқайсысына жеке құқықтық баға беріліп, кінәлілер заң аясында жауапқа тартылатыны айтылды.