Туыстары оны Тәуекел деп атады.
Шымкентте салмағы алты келіден асатын алып сәби өмірге келді, деп хабарлайды aqshamnews.kz
Дәрігерлер әйелді табиғи жолмен босандырып алған. Қала тұрғыны Альмира Жандарбекова 3 қазан күні Шымкенттегі қалалық № 2 аурухананың перзентхана бөліміне келіп түскен. Дәрігерлер келіншекті бақылауға алып, перзентханада толғағы келгенін күткен. Нәтижесінде 4 қазан күні сағат 13:50–де салмағы 6 келі 500 грамм, бойы 63 см сәби дүниеге келді.
Мамандардың айтуынша, қазір ана мен баланың жағдайы жақсы, ешқандай шағымы жоқ.