Алматыдағы "Шымбұлақ" тау-шаңғы курортында аспалы жолдың істен шығуына байланысты адамдар кабина ішінде қалып қойды, деп хабарлайды Aqshamnews.kz тілшісі ТЖМ баспасөз қызметіне сілтеме жасап.
Министрліктің мәліметінше, теңіз деңгейінен 3200 метр биіктікте орналасқан "Комби-2" аспалы жолы аяқ асты тоқтап қалған.
Құтқару жұмыстарына Алматы қаласы ТЖД мамандары, ТЖМ құтқару қызметі және курорт қызметкерлері жұмылдырылды. Нәтижесінде:
-
кабиналарда қалып қойған 21 адам альпинистік құрал-жабдықпен жерге түсірілді;
-
Талғар асуында қалған 100 адам қауіпсіз жерге эвакуацияланды.
Курорт әкімшілігі қонақтарға ыстық сусын ұсынып, жылынатын орындармен қамтамасыз етті.
"Зардап шеккендер жоқ. Аспалы жол уақытша жұмыс істемейді, қалпына келтіру жұмыстары жүріп жатыр", – делінген министрлік хабарламасында.