Шығыс Қазақстан облыстық Халықтық штабтың мүшелері «Көз микрохирургиясы клиникасы» ЖШС қызметкерлерімен кездесу өткізіп, АЭС салудың маңыздылығы туралы пікір алмасты, деп хабарлайды aqshamnews.kz Azattyq Rýhykz сілтеме жасап.
«Энергетика министрлігінің деректеріне сәйкес, 2035 жылға қарай Қазақстанда электр энергиясын тұтыну 152,4 млрд кВт/сағатқа жетеді. Алайда қазіргі жұмыс істеп тұрған электр стансаларының өндіріс қуаты 135 млрд кВт/сағатты құрайды. Арадағы тапшылықты Ресейден импорттап жауып отырмыз. Бұл еліміздің энергетикалық тәуелділігін күшейтіп, болашақта қауіп-қатер туындатуы мүмкін. Мысалы, солтүстік көршімізде қандай да бір төтенше жағдай болса, біз де соның салдарын тартамыз. Сондықтан бұл мәселені шешу қажет», – дейді ҮМЗ АҚ ғылыми орталығының бастығы, физика-математика ғылымдарының докторы, профессор Манарбек Кылышканов.
Кездесу барысында АЭС құрылысының қоршаған ортаға әсері, апаттық жағдайларды болдырмауға арналған қауіпсіздік шаралары, қажетті ресурстар мен біліктіліктің маңыздылығы кеңінен талқыланды.
Бұл кездесу АЭС салу мәселесінің қоғамда маңызды әрі өзекті екендігін көрсетіп, энергетикалық тәуелсіздікке қол жеткізу жолындағы алғашқы қадамдардың бірі болды.