ШҚО Тарбағатай ауданында жүк көлігі мен жеңіл көлік соқтығысып, бірнеше адам қаза тапты, деп хабарлайды Аqshamnews.kz тілшісі.
Оқыс оқиға 24 қарашада республикалық маңызы бар «Омбы – Майқапшағай» автожолының 877-шақырымында болған. Жол апатына Chevrolet Onix жеңіл көлігі мен Howo маркалы жүк көлігі қатысқан.
Полиция департаментінің мәліметінше, Chevrolet Onix жүргізушісі мен екі жолаушы алған жарақаттарынан оқиға орнында көз жұмған. Тағы бір жолаушы медициналық мекемеге жеткізілді.
Аталған факті бойынша сотқа дейінгі тергеу басталды.
