Қазақстанның Денсаулық сақтау министрлігі шетелге тұрақты тұруға кеткен азаматтарға МӘМС (Міндетті әлеуметтік медициналық сақтандыру) жүйесі арқылы дәрі-дәрмек беру процесін тоқтату үшін ақпараттық жүйені жетілдірді. Бұл шара Жоғары аудиторлық палатаның нұсқамасына сәйкес қабылданған, деп хабарлайды aqshamnews.kz
2024 жылдың 24 қазанынан бастап шетелге тұрақты тұруға кеткен азаматтарға рецепт беру тоқтатылды. Яғни, шетелде тұрып жатқан азаматтар МӘМС жүйесі арқылы дәрі-дәрмек алу мүмкіндігінен айырылады.
Министрлік қабылдаған бұл шаралар МӘМС жүйесінің тиімділігін арттыру және сақтандыру жүйесіне қатысушылардың құқығын қорғау мақсатында жүзеге асырылды.