Шекара аймағы заңын бұзған 4 337 адам ұсталды

Автор Almaty-akshamy.kz.

17:53, 05 шілде 2024

Almaty-akshamy.kz.

2024 жылдың маусым айында шекара кеңістігінде Қазақстан заңнамасын бұзған 4 337 адам ұсталды, деп хабарлайды аlmaty-akshamy.kz ҰҚК Шекара қызметіне сілтеме жасап.

Соның ішінде:

55 шетел азаматы шекараны бұзғаны;

35 шетел азаматы шекараны бұзуға әрекеттенгені үшін ұсталды.

Мемлекеттік шекара арқылы 1 639 заңсыз алып өту фактісінің алды алынды, соның ішінде:

46 – есірткі заттары, жалпы салмағы 14 кг жоғары;

48 – ату қаруы мен оқ-дәрілер (1 дана ату, 6 дана зақым келтіру және 459 дана суық қарулары, 172 дана оқ-дәрі);

30 – діни әдебиет (692 дана);

553 – жалпы сомасы 14 млн теңгеден асатын жанар-жағармай материалдары (45 000 литрден астам);

726 – жалпы сомасы 2,2 млрд теңгеден астам халық тұтыну тауарлары;

236 – жалпы сомасы 1,9 млрд теңгеден астам шетел валютасы.

Каспий акваториясында 34 браконьерлік фактінің алды алынды, сондай-ақ:

18 дана жүзу құралы;

жалпы ұзындығы 32,5 км торды құрайтын браконьерлік аулау құралы;

20 дана (71,3 кг) бекіре тұқымдас балық;

12 905 дана (24 896 кг) таза тұқымдас балық;

47 дана суда жүзетін тасбақа;

9 дана суда жүзетін құс;

1 дана каспий итбалығы.

Алды алынған залал сомасы 147 млн теңгені құрайды.

Бұл фактілер бойынша материалдар құқық қорғау және сот органдарына жіберілді.

Сіздің реакцияңыз?

Ұнайды

Ұнамайды

Күлкілі

Шектен шыққан

Шекара аймағы заңын бұзған 4 337 адам ұсталды

Сіздің реакцияңыз?

Соңғы жаңалықтар

Алматы

Мультимедиа

Қала тынысы

Мәдени Алматы

Қала қарбалас

Арнайы жоба