Жекпе-жек бүгін таңертең Қазақстан уақытымен өтті.
Қазақстандық спортшы Шавкат Рахмонов Лас-Вегастағы T-Mobile Arena-да өткен UFC 310 турнирінің қосалқы басты жекпе-жегінде ирландиялық Иан Мачадо Гэрриді төрешілердің бірауызды шешімімен жеңді, деп хабарлайды aqshamnews.kz
Бұл Рахмоновтың ММА-дегі 19-шы жеңісі және UFC-дегі 7-0 рекордын жалғастырды. Ал Гэрри үшін бұл кәсіби мансабындағы алғашқы жеңіліс болды.
Бұған дейін UFC президенті Дана Уайт Рахмонов пен Гэрри арасындағы жекпе-жектің жеңімпазына жартылай орта салмақтағы чемпион Белал Мұхаммедке қарсы титулдық кездесу уәде еткен болатын. Айта кетейік, бастапқыда Рахмонов пен Мұхаммедтің жекпе-жегі UFC 310 турнирінің басты оқиғасы ретінде жоспарланған еді, бірақ чемпион сүйек инфекциясы мен операцияға байланысты кездесуден бас тартты.