Қазақстан Республикасы Ұлттық экономика министрлігі жаңа Салық кодексі аясында Үкімет қаулысының жобаларын таныстырды. Кәсіпкерлер үшін басты жаңалық – салық төлеушілердің шамамен *70%-ы жеңілдетілген режимде қала береді.
Жеңілдетілген режимде кімдер қалады?
-үй жанындағы дүкендер, базарлар мен дәріханалар;
-кафе, мейрамханалар және көлік қызметтері;
-медицина мен білім беру саласы;
-ауыл шаруашылығы;
-креативті индустрия және басқа да халыққа жақын қызмет түрлері.
Бұл дегеніміз, халықпен тікелей жұмыс істейтін көптеген кәсіпорындар бұрынғыдай қолжетімді әрі түсінікті режимде жұмысын жалғастырады. Налогтар қарапайым болып қалады, ал тауар мен қызмет бағасы қосымша шығындар есебінен қымбаттамайды.
Өзін-өзі жұмыспен қамтығандарға қолдау
Тағы бір маңызды қадам – өзін-өзі жұмыспен қамтығандар үшін мүмкіндік кеңейді. Енді 46 түрлі қызмет түрімен (такси, техника жөндеу, тазалық, репетиторлық, сұлулық салондары және т.б.) ЖК тіркемей-ақ айналысуға болады.
Айлық табысы 300 АЕК-ке дейін болған жағдайда олар бюрократиясыз заңды түрде табыс таба алады, әрі әлеуметтік кепілдіктері сақталады.
Осылайша, мемлекет шағын бизнес пен өзін-өзі жұмыспен қамтыған азаматтарды қолдауды басты назарда ұстап отырғанын көрсетіп отыр.