Бүгін ҚР Мәжілісінің жалпы отырысында «Ауыл» партиясы фракциясының жетекшісі Серік Егізбаев 2026–2028 жылдарға арналған республикалық бюджет туралы және трансферттер көлемі туралы заң жобаларына қосымша баяндама жасады, - деп хабарлайды Aqshamnews.kz.
Өз сөзінде депутат республикалық бюджет жобасы – жылдар бойы шешімін таппай келе жатқан, кешенді көзқарасты талап ететін маңызды мәселе екенін атап өтті.
Серік Егізбаевтың айтуынша, аграрлық сектор — елдің азық-түлік қауіпсіздігі мен экспорттық әлеуетінің, сондай-ақ өңірлік жұмыспен қамтудың стратегиялық негізі. Алайда мемлекеттік қолдау көлемінің артқанына қарамастан, фермерлер алдындағы субсидия берешегі 341 млрд теңгеден асып отыр.
Осыған байланысты депутат Үкіметке агроөнеркәсіп пен су салаларын ғана емес, тұтас ауылдық секторды қаржыландыру жүйесін реттеу үшін арнайы Агробанк құру мәселесін қайта қарауды ұсынды.