Аудандағы өзекті мәселелердің бірі қоғамдық қауіпсіздікті қамтамасыз ету болып қала бермек.
Видеомониторинг жүйелері желісін кеңейту жобасы аясында ауданда адамдар көп жиналатын орындарда тағы 700-ге жуық камера орнату жоспарлануда. Бұл туралы қала әкімінің Әуезов ауданы тұрғындарымен кздесуінде белгілі болды, деп хабарлайды Аlmaty-akshamy.kz.
Жол қауіпсіздігін жақсарту мақсатында аудан көшелерінде 65 «Сергек» кешені жұмыс істейді. Атап айтсақ, 357 бейнекамера: оның ішінде желілік - 45, қиылыстарда - 20 камера. Сонымен қатар 2023 жылдың бірінші тоқсанында аудан көшелерінде тағы 84 «Сергек» кешені, яғни 84 камера орнатылды. Осылайша, аудандағы «Сергек» кешендерінің жалпы саны 149-ға жетеді.