Әлеуметтік желілердегі хакерлік форумдарда банк клиенттерінің деректер базасына сұраныс жоғары.
Сондай-ақ мұндай ақпараттар ақылы. Бұл өзіндік бір көлеңкелі бизнес түрі саналады, - дейді кибершабуылдарды талдау және тергеу орталығының мамандары. Дербес деректер желіге тарап кетпеуі үшін сарапшылар белгісіз сайттарға кірмеуге шақырады, деп хабарлайды Almaty-akshamy.kz.
24.kz сайтының хабарлауынша, көп жағдайда интернет-ойындар мен онлайн сатып алу сайттарына кірген пайдаланушылар әккілердің қармағына жиі түседі.
Олжас Сатиев, Кибер шабуылдарды талдау және тергеу орталығының басшысы: -
Көп азамат тегін нәрсеге құмар. Ұтыс ойындарын көрсе, айналып өте алмайды. Олар асығыстықтан әлеуметтік желідегі ақпараттың рас-өтірігін тексермейді де. Ойланбастан жеке деректерін өздері жібере салады. Сондықтан кибер-гигиена ұғымын насихаттау керек. Ақшаны өзгенің есепшотына аудармас бұрын, бірнеше мәрте ойлану қажет. Жіберген сілтемелерге өтпеу керек.