Алматы қаласы Полиция департаментінде сенат депутаттары Марат Қожаев, Жанна Асанова және Нұрия Ниязова есеп беру кездесуін өткізді, деп хабарлайды aqshamnews.kz
Кездесу барысында департамент басшылығы:
- Жедел басқару орталығына енгізілген цифрлық шешімдер,
- «102» желісі бойынша қоңырауларға қызмет көрсету сапасын арттыру,
- Қылмыстарды ашуда мамандандырылған бағдарламалық модульдердің тиімділігі туралы баяндады.
«Естуші мемлекет» тұжырымдамасы аясында:
- Бейнебақылау жүйесін орнату,
- «Соқыр» аймақтарды жою тапсырмаларын орындау барысы қаралды.
Қазіргі таңда 1 477 бейнекамера жедел-тергеу және учаскелік полиция бөлімшелеріне қосылған. Патрульдік жасақтарды басқару киілетін бейнетіркегіштер арқылы онлайн режимде жүзеге асырылады.
Сыртқы қызметтер мобильді планшеттермен жабдықталып, жедел шешім қабылдау мүмкіндіктері кеңейтілді. Жалпы 52 мыңнан астам бейнекамера қоғамдық қауіпсіздікті бақылау үшін қосылған.
Биылдан бастап білім беру мекемелерін онлайн бақылау жүйесі іске қосылды. Ювеналды полиция қызметкерлері мобильді планшеттерге қажетті бағдарламалармен жабдықталды.
Кездесу нәтижесінде бейнебақылау жүйелерін жетілдіру бойынша ұсыныстар мен тапсырмалар берілді.