Семей қаласынан Алакөлдің курорттық аймағына қарай «Семей — Достық» бағыты бойынша жолаушылар пойызының алғашқы рейсі жолға шықты, деп хабарлайды almaty-akshamy.kz.
Пойыз екі күн сайын тақ күндері жүреді. Пойыздың сыйымдылығы — 354 жолаушы, ал жол жүру уақыты 16 сағат 40 минут.
Сонымен қатар, жаз мезгілінде темір жол бойымен ұзындығы 731 шақырымды құрайтын әлеуметтік маңызы бар «Семей — Жалаңашкөл» бағыты өтеді. Пойыз екі күн сайын 7 вагонмен жүреді. Жол жүру ақысы: плацкартпен 4 322 теңге, ал купе вагонында — 6 226 теңге.
Пойыздың «романтикасын» да, жолдың «сүйкімділігін» де жақтырмайтындар үшін «Южное небо» әуе компаниясының әуе көлігі қолжетімді. Сыйымдылығы 50 адамға дейінгі АН-24 жолаушылар ұшағы «Семей — Үржар» бағыты бойынша аптасына үш рет (маусымнан тамызға дейін — аптасына бес ретке дейін) ұшуды орындайды. Билет құны — 14 000 теңге.