Семей қаласында 23 жастағы жігіттің денесі табылды, деп хабарлайды Aqshamnews.kz тілшісі.
Алдын ала мәліметке сәйкес, марқұмның мәйіті Ертіс өзенінің мұзынан, қаланың аспалы көпірі маңынан анықталған.
Абай облыстық ПД баспасөз қызметінің мәліметінше, қайғылы жағдай туралы полицияға куәгерлер хабар берген.
Полиция департаменті аталған дерекке байланысты сотқа дейінгі тергеу амалдарын бастағанын мәлімдеді. Қазіргі уақытта оқиғаның барлық мән-жайы анықталып жатыр.
Қаза тапқан азаматтың өліміне не себеп болғаны әзірге белгісіз. Тергеу жалғасып, тиісті сараптамалар жүргізіліп жатыр.