С.Ж. Асфендияров атындағы Қазақ Ұлттық медицина университетінің «Конкордия» концерт залында Қазақстанның белгілі композиторы Кентау Назарбектің концерті өтті, деп хабарлайды aqshamnews.kz
Бұл іс-шара университеттің негізін қалаушы Санжар Жафарұлы Асфендияровтың 135 жылдығына орай ұйымдастырылған ерекше мәдени кеш болды.
Кентау Назарбек — қазіргі қазақ музыкасының көрнекті өкілдерінің бірі. Оның шығармалары қазіргі заман мен классикалық музыканың ерекше үйлесімін көрсетеді, бұл тыңдармандардың жүрегін жаулап алды. Концертке қатысқан студенттер мен оқытушылар композитордың шығармашылығы арқылы шынайы эмоциялар әлеміне еніп, өнерден рухани байлық алды.
Бұл мәдени шара Санжар Асфендияровтың мерейтойына арналған іс-шаралар қатарына кіріп, ұлы тұлғаның мұрасын құрметтеудің бірегей мысалы ретінде есте қалды.
