Ресей аумағында қазақстандық азаматтардың қатысуымен болған ЖКО туралы хабардан кейін оқиға орнына шұғыл түрде 6 жедел жәрдем бригадасы жолға шыққан, деп хабарлайды aqshamnews.kz
Денсаулық сақтау министрлігінің мәліметінше, жол апаты «Самара — Большая Черниговка» тас жолында (РФ Самара облысы) болған. Көлік апатынан Қазақстанның алты азаматы, оның ішінде екі бала зардап шеккен. Олар 6 санитариялық автокөліктің көмегімен Орал медициналық мекемелеріне жеткізілді. Тағы бір зардап шеккен қазақстандықты ТЖ департаментінің бригадасы жеткізді.
— Апаттан зардап шеккендерде мидың шайқалуы, аяқ-қолдардың, жамбас сүйектерінің, омыртқаның сынуы, көгеру, гематома және орташа ауырлық дәрежесіндегі көптеген жарақаттар тіркелді. Бүгін таңертең зардап шеккен 5 ересек адам Орал қалалық көпбейінді ауруханасына, 2 бала облыстық көпбейінді балалар ауруханасына емдеуге жатқызылды, онда оларға медициналық көмектің толық көлемі көрсетіледі. Бригадалардың тасымалдауы барысында пациенттердің жай-күйінің нашарлауына жол берілген жоқ, — делінген министрлік хабарламасында.