Мемлекеттік кірістер комитеті микро- және шағын бизнес субъектілері берген бақылау-касса машиналарының фискалдық чектері бойынша сыйақылар төлеуге бағытталған «Salyq кэшбэк» пилоттық жобасының 2025 жылғы 15 наурызда қайта басталады , деп хабарлайды aqshamnews.kz .
Жобаның бірінші кезеңі оң нәтиже көрсетті:
- Фискалдық чектер саны екі есеге артты;
- Бұл чектер бойынша сомма 32%-ға өсті (2024 жылғы 2 жартыжылдық 2023 жылғы 2 жартыжылдықпен салыстырғанда).
Жоба Семей қаласында, Абай облысында және Ақкөл ауданында іске асырылды. Енді екінші кезеңде жобаның жүзеге асырылу ауқымы кеңейіп, төмендегідей жаңа аумақтарды қамтитын болады:
- Өскемен қаласы, Шығыс Қазақстан облысы;
- Жетіқара ауданы, Қостанай облысы;
- Жақсы ауданы, Ақмола облысы;
- Аршалы ауданы, Ақмола облысы.
«Salyq кэшбэк» жобасына қатысу үшін кез келген адамға мүмкіндік беріледі. Ол үшін:
- Тауарлар мен қызметтерге ақы төлегенде (қолма-қол ақшамен немесе қолма-қол ақшасыз тәсілмен) фискалдық чек алу қажет;
- «Amian» арнайы мобильді қосымшасында чектің штрих-кодын сканерлеп, сатып алу сомасының 2% мөлшерінде сыйақы алуға болады.
Сыйақылар «IT Analytics» ЖШС операторы арқылы есептеледі. «Amian» мобильді қосымшасын App Store және Google Play дүкендерінен тегін жүктеп алуға болады.
Мемлекеттік кірістер комитеті кәсіпкерлерді бақылау-касса машиналарын белсенді пайдалануға және әрбір сатып алушыға фискалдық чектер беруге шақырады. Бұл тұтынушы құқығын қорғауға және мемлекеттік бастамаларды қолдауға ықпал етеді.