Алматыдағы Рысқұлов-Күдерин жолайырығында жол жөндеу жұмыстары жүргізілетіндіктен, қозғалыс уақытша шектеледі. 24 шілдеден бастап 25 шілдеге дейінгі түнгі уақытта, яғни сағат 23:00-ден 6:00-ге дейін Рысқұлов даңғылының оңтүстік жағындағы бұрылысқа қарай қозғалыс жабық болады.
Көлік жүргізушілері үшін айналма жол ретінде Соқпақбаев, Сусанин, Крылов және Сахалинская көшелері ұсынылады. Қозғалысқа енгізілген шектеулер мен басқа да ақпаратты Almaty.kz сайтынан, @AlmatyJoly Telegram арнасынан, аудандық әкімдіктер мен басқармалардың әлеуметтік желілерінен, сондай-ақ 2GIS және «Яндекс карталар» сервистерінен табуға болады.
Жүргізушілердің барлығына жоспарланған жол шектеулеріне байланысты жүру бағыттарын алдын ала жоспарлау ұсынылады.
