Депутат Ринат Зайытов Мәжілістің халыққа ашық түрде жұмыс істеп жатқанын атап өтті. Оның айтуынша, депутаттардың апта сайын үкімет мүшелеріне өткір сауалдар жолдап, маңызды мәселелерді көтеруі – ел ішінде сенімнің қайта жандануына септігін тигізіп отыр.
"Шалғай ауылдағы баланың тісі ауырса, оған Астанадағы министрдің жүрегі ауыруы керек. Көтерілмей қалған мәселе, айтылмай қалған ой жоқ. Осылайша, қоғамды толғандыратын көптеген мәселе шешімін тауып, елдің іргесі беки түсті. Әрбір игі іс жүзеге асқан сайын халықтың билікке деген сенімі артып келеді. Халықтың үні, тағдыры мен болашағы, өмірі мен өзегі – ол Парламент," – деді ол.
Бұл пікір халықтың мүддесін қорғау жолындағы ашық әрі нәтижелі жұмыстың айқын көрінісі екенін көрсетеді.
