Ресейде мәліметтер қорына жүктелген Omicron BA.1 геномдарының үлесінде Spike:R346K мутациясы бар екені байқалды.
Бұл жөнінде Роспотребнадзордың Орталық эпидемиология ғылыми-зерттеу институтының секвенирлеу технологияларына негізделген жаңа диагностикалық әдістерді әзірлеу жөніндегі ғылыми топтың жетекшісі, Камиль Хафизов мәлім етті, деп хабарлайды Almaty-akshamy.kz «Известия». басылымына сілтеме жасап.
Оның айтуынша, Omicron BA.1 негізгі желісінде салыстырмалы түрде аз ғана генетикалық әртүрлілік жинақталған.
«Спайк ақуызында секвенирлеу нәтижелері бойынша жаңа алынған мутациялар -R346k - S ақуызының фрагменті табылды, (бұрын «Мю» нұсқасында табылған) оның көмегімен вирус адам жасушасының бетіндегі рецепторға қосылады»,-деді Хафизов.
Ғалымдар Ресей ғылым академиясының «Тіршілік туралы ғылымдар» ғылыми кеңесінің Omicron-ға арналған отырысы аясында хабарлағандай, Спайк ақуызындағы R346K мутациясы бар BA.1 нұсқасы BA.1.1 деп белгіленді.
Оның қауіптілігі сол - бірқатар мамандар бұл мутация вирустың антиденелерге ұстатпай кетуіне септігін тигізеді деп алаңдаулы.
Алайда Орталық эпидемиология ғылыми-зерттеу институты бұл ақпаратты растамады. Камиль Хафизовтың айтуынша, оның жұқпалылығына, аурудың ағымына және емделуге әсер ететіні туралы ешқандай дәлел жоқ.
«Әртүрлі дереккөздерге сәйкес, осы мутациямен Omicron жиілігінің ұлғаю жылдамдығы BA.1 желісінің басқа түрлерімен шамамен бірдей, сондықтан таралуы тұрғысынан айтарлықтай артықшылықтар болмауы мүмкін», деді «Известияға» сұхбат берген Камиль Хафизов.
Ғалымдар бұл қосалқы нұсқаның қосымша зерттеуді қажет ететінін атап өтті.
