5 маусымда республикалық референдум өткізіледі.
Қаржы министрі Ерұлан Жамаубаевтың айтуынша, конституциялық реформаға қатысты өтетін республикалық референдум өткізуге қанша қаражат бөлінетінін белгілі болды, деп хабарлайды Almaty-akshamy.kz
«Конституциялық референдум өткізуге республикалық бюджеттен 16 млрд 400 млн теңге бөлінеді. Орталық сайлау комиссиясы тиісті есеп-қисапты ұсынды. Бүгін Үкімет осыған байланысты Қаулы қабылдады. Қаржы республикалық бюджеттен, Үкімет резервінен бөлінеді», - деді Ерұлан Жамаубаев.
Өткен аптада Орталық референдум комиссиясы белсенді сайлау құқығына ие Қазақстан азаматтарына үндеу жасады. ҚР Президенті Қасым-Жомарт Тоқаев 5 маусымда республикалық референдум өткізу туралы Жарлыққа қол қойды.
