Бас бапкер Уразбахтин 18 жастағы қақпашы Шерхан Қалмұрза туралы пікір білдірді, - деп хабарлайды Aqshamnews.kz тілшісі.
Команда сапында қақпашылар әрқашан ерекше рөл атқарады. Бұл жолы негізгі жауапкершілік жас қақпашы Шерханға жүктелді. Басшылық пен бапкерлер штабы оған үлкен сенім артып отыр.
Қақпашылардың дайындығы әдетте өзгеше жүреді. Бұл бағытта тәжірибелі маман Илья Сергеевич жұмыс істеп жатыр.
"Қақпашылар – бөлек әлем. Сондықтан ол бағытқа мен араласпаймын, Илья өзі айналысады", – дейді бас бапкер Рафаэль Уразбахтин.
Жас қақпашы өзін сырт алаңдағы кездесулерде жақсы қырынан көрсете алды. Ең бастысы, ол алаңда қобалжып, сасқалақтағанын білдіртпеді. Бұл оның мінезі мен кәсіби дайындық деңгейін көрсетеді.
Бас бапкердің айтуынша, Шерханға артылған сенім оның кәсіби дамуы үшін үлкен мүмкіндік болмақ. Команда жас қақпашыға сеніп отыр, ал ол жанкүйерлер мен ұжым үмітін ақтауға тырысады.
"Шерханмен тікелей жұмыс істеген емеспін, бірақ оған үлкен жауапкершілік түсті. Біз барынша қолдауға тырысып жатырмыз", – дейді футболшы Егор Сорокин.
Айта кетейік, ертең Алматыдағы Орталық стадионда УЕФА Чемпиондар лигасының аясында "Қайрат" – "Реал Мадрид" ойнайды.