Ресейден Қазақстанға әкелінген 500 келі қызанақтан қауіпті вирус табылды, деп хабарлайды almaty-akshamy.kz Ауыл шаруашылығы министрлігінің Агроөнеркәсіптік кешендегі мемлекеттік инспекция комитетіне сілтеме жасап.
Аталған оқиға Батыс Қазақстан облысының Орал аумақтық инспекциясының өсімдіктер карантині жөніндегі мемлекеттік инспекторларының межелі орнында екінші қайтара тексеріс жүргізуі барысында анықталған. 0,5 тонна қызанақ өнімінен қызанақ жемісінің қоңыр қатпарлы вирусы (ToBRFV) табылды.
«Дерек бойынша әкімшілік хаттама толтырылып, тәртібімен сотқа жолданды. Әкімшілік құқық бұзушылық кодексінің 400-бабы 2-бөлігінің 1) тармағына сәйкес сотпен айыппұл салынды. Сақтауда тұрған карантиндік қызанақ өнімі сот қаулысына сәйкес жоюға жатады», - делінген хабарламада.
Бұл жағдай карантиндік нысандардың тасымалдау кезіндегі қауіпсіздігін қамтамасыз етудің маңыздылығын тағы бір рет еске салды. Ауыл шаруашылығы министрлігі алдағы уақытта мұндай жағдайлардың алдын алу үшін бақылауды күшейтуге ниетті.